JUIT ke 7 Rang...

Welcome (*Ragging)

Select hoke aaye JUIT mein, engineering padhne mein hai shaan apni,
Baadlon se milte is college mein, aake bas gayi jaan apni...
Unche pahaado se nazarein mili jab, udaan bahut unchi bhar rahe the...
Hamari pehchaan ki khabar lene, seniors intezaar kar rahein the...
Aakar gire zameen par, kuch ko yaad aaya gaana bajana...
Kuch ko yaad aaya naach nachana, aur kuch ko naare lagana...
Seniors ko harpal wish karke, jab aayi akkal apni thikane...
Aa gayi hamari shaan mein party, aao karlo dosti freshers ke bahanae...

Exams



Padhne ka apna josh hai, bahuto ne chakkar teacharo ke kaatein...
Din bhar class lagakar bhi, raat mein toh karni yahoo pe baatien,
Minors jab aate hai sar par, din mein aati neend lut gaya raaton ka karaar...
2 din mein ho jaate hai 6 paper, aisa tha yahan ka time -table yaar...
Mess bhi dikhti thi khaali aur cafe ka haal mat poocho,
100 panne mugne ko uspar foreign authors se jujho...
Mass bunk kari toh pahuche seedhe office, attendence ke bhi nakhre kitne...
Yeh hai college ki padhai, toot gaye the dekhe sapne jitne...


Love



Aur Fir ek aaya sama, jab lage saara jahan apna...
Pyaar ke bhawar mein kho gaye, tab laga College ghar apna
Subah se shaam beet jaatein mughal garden mein,
aur mall road par pahucte tehelne ke liye,Fir bhi dil na bhare to,
Library khuli hai saath baithne ke liye
Kahan rahe practical aur kaha rahe padhai ka hosh...
Jab mil jaaye doston mein ek special Dost...



Snowfall



Kitni pareekshain deni hogi humein..
Lo aa gayi sardiyan aazmane humein..
Heater blower chalane ki ijazat nahi...
Bhala itni sardi mein padhta hai koi...?
Jab aayi January toh snowfall hui...
Mano ek alag hi rang nazar aaya..
Nikal padhe sab Shimla-Kufri,
aise kisi jannat ka nazara aaya...

Fest



Ek Tyohar hai jo sirf hai apna..
Lagta hai jaise sach ho gaya koi sapna..
Kitne dance kitne drama, kitni bajti hai taliyan,
Aur kya ho nazara jab pehene JUIT ki ladkiyan saariyan.
DJ ka bhi apna andaaz, jab security humein naach nachaye
jab ho dayi taraf ladkiya, aur ladke jaaye bayen.
Aur fest ka akhri din jab aaye, tab dekho apna ka tashan,
JUIT ka band bajaaye Euphoria, Asma aur Indian Ocean.

Placement



Aur ek yeh bhi hai manzar, jiski humein thi talaash..
Isi din ke intezaar mein, hum the ghar se nikle,
Fir laut ke aaya mausam, third year mein placements ka,
Jab hum baithe C, C++, DBMS sikhne...
Ek aur tha imthihan, jaana tha college se duur,
Sehme hue the saare, toot gaya tha guroor.
Jeet kar laute jab, toh garv se mila diya,
Pehli naukari ki talaash ne, Zindagi ka sabak sikha diya.

Farewell



Aise na tumhe kabie dekha tha, Aisa na kabhie socha tha...
Chandani raat mein iss tarah, kabhie chamakte na dekha tha,
Kitni Suhani tumhari baat hai ki akhir mohabbat ho gayi...
Aur kaisi hai bebasi apni, ki ab jaane ki baari aa gayi.
Yeh jo akhri rang hai, ankhon mein ansu jaisa chubh raha,
Baaki rangon ki holi toh khel chuke, yeh rang humse nahi saha ja raha...
Humse Kyun kisi ko ALVIDA nahi kaha ja raha...
Humse kyun kisi ko ALVIDA nahi kaha ja raha...